|
|
|
|
|
|
|
|
|
|
|
provenença : origina. provenent, -a adj : que ven de ; « (dr.) provenant, -e » (Laus, Rapin). provengut, -uda part pass
e adj, cf Ubaud Dicort : « provenu, ue » TdF jos ‘prouveni’ provenir (v. intr.) : tirar son origina de. provèrbi nm : reprovèrbi / dicha / senténcia. * Trempatz un panièr dins l'aiga es tot plen, tiratz-lo de l'aiga i a pas res. * Quand plòu lo dimenge abans la messa, tota la setmana se'n pessa. * Qui tròp embraça manca lo
« trin » * Ventre afamat escota pas res. * Ase de natura qui sap pas legir son escriptura ! * Per Sant Martin l'auca al topin. * Aquò es pas ni tu ni vos ! * Cocut, banut, cornut... pipa traucada, vin fotut ! * Mai val un que sap que cent que cèrcan. * Quand per Sant Medard plourà quaranta jorns de bard i aurà,
se Sant Barnabè li ven pas copar pas lo pè. * Qui pèrd son ben pèrd son sen. * Ben sens cabal, campana sens batalh. * Pus bèstia que la bèstia es lo que prèsta
sa bèstia. * La carreta gasta lo camin, la femna l'òme e l'aiga lo vin. * A brave maçon tota pèira li fa canton. * Beata de glèisa, diablessa d'ostal. * Qui a de biais se'n servís, qui n'a pas ne
patís. * Aur, vin, amic e servidor, lo pus vièlh es lo
melhor. * Lo plaser pres sens pecar es lo pissar e lo cagar. * Per Totsants, la nèu pels camps. * Pel Sant Vincenç, la binada, e per Sant Joan, la
granada. * Pel jorn de Sant Vincenç, l'ivèrn pèrd
una dent. * L'autan de la nuèch passa pas lo puèg, mas lo del jorn dura nòu jorns. * Vent del Rampalm, vent tot l'an. * Bisa reganhosa, dins tres jorns ven ploviosa. * Lo mercand que dobla pèrd pas, lo que tripla
ganha. * Quand lo temps tubeja, solelh non clareja. * Quand las combas tubassejan totes los puèges
clarejan. * La ceba de Lesinhan es doça coma lo pan. * Mai bladeja, junh feneja. * Lo badar pòt
pas mentir : vòl manjar o vòl dormir o vòl dire se languir. * Vas a la fièira sens argent, bada la
gòrja, torna-te'n. * Se las tubas s'espandisson, totes los contors patisson. * D'ont mai trabalha un barral, d'ont mai val. * Bona bòria e marrit borièr arrengaràn pas
l'eretièr. * Qui d'un brave amic se farà, per totjorn, plan se'n
trobarà. * Las cambrièiras an pas qu'un mal, escampilhan secrets d'ostal. * Qui mocava pas lo calelh,
lo calelh se trufava d'el. * Quand lo freg en febrièr soventeja, Marcamal, cada còp, se passeja. |
|
* Per Nòstra Dòna candelièira, para lo prat de la ribièira. * Per Nòstra Dòna de paraprat, para ton prat, para ton prat ! * Per Nòstra Dòna candelièira,
l'ivèrn s'acaba o s'enfalsièira. * Qui degalha son capital pren lo camin de l'espital. * Es dins lo temps de carnaval que s'apària lo rafatalh. * Qui demòra dins son codèrc, se res non ganha,
res non pèrd. * Qui te coneis que te crompe ! * Lo pan dur fa l'ostal segur. * Tot çò manjat sera cagat. * Fais plan ligat, mièg carrejat. * Pas de mes de febrièr sens cap de flor
d'ametlièr. * Es la femna que fa l'ostal. * Una femna, coma un barral, d'ont mai trabalha d'ont mai val. * La femna, coma la tèla, mal se causís a la
candèla. * Dos polits jorns per l'òme sus tèrra : lo jorn
que la pren e lo que l'entèrra. * Quod a natura est se desraba pas coma un genèst. * Entre totes, o avèm tot ! * Cap d'ivèrn serà pas passat que luna d'abril aja
trespassat. * Al jòc e al vin l'òme ven
coquin. * Donar als paures fa pas venir paure. * Qui lenga a, a Roma va. * Se la luna torna al bèl, dins tres jorns pòrta
capèl. * Per aprene a pregar, sus la mar cal anar. * Qui beu agre, escopís pas doç. * Tèrra de mentastre,i a de pan pel can e mai pel pastre. * Far passar Pascas abans Rampalms / comandar abans de se
maridar / vendemiar abans las cridas. * Femna muda, jamai batuda. * Nèu de febrièr val femorièr. * Cada aucèl tròba son nis bèl. * Per Sant Martin mena ta cabra a boquir. * En abrial quites pas un fial, en mai, fai çò que
te plai. * Ostal d'adultèra, jamai non prospèra. * Los amics, coma los melons, fòrça de falses,
pauc de bons. * Ont i a de pan e de vin, lo rei pòt venir. * Entre vesins e vesinas òm se prèsta las aisinas. * Per Sant Jòrdi, semena ton òrdi ; per Sant
Robèrt, aja-lo cobèrt, que per Sant Marc es tròp tard. * Qui perdona, Dieu li dona. * Trabalh a prètzfach es totjorn
mal fach. * Tal se ritz del mal del vesin qu'a lo seu mal ja en camin. * Qui fa piu-piu dura un brieu. * Roge d'amont emplís la font, roge d'aval fa susar lo caval. * Rojairòla del matin, pluèja al despartin. * Pas de dissabte sens solelh ni de vièlha sens
bon conselh. * Quand lo solelh se regarda, de pluèja o de vent
prend-te garda. * Vent de montanha, quand ritz reganha. * Qui vòl relòtge manténer e vièlh
ostal entreténer, femna jove contentar, parents paures ajudar, es totjorn a recomençar. * Cada topin tròba sa cabucèla, cada òme ric sa domaisèla. |
|
|
|
|
|
|
|
|
|
||
|
|
|
|
|