- Q -

Q (nf/nm) : letra setzena de l'alfabet occitan prononciada (ky)

(Cercar a C o a K çò que trobaretz pas a Q )

Qatar : nom de país sul gòlf persic.

qät (abs. Dicort) : substància allucinogèna tirada de las fuèlhas d'un arbrilh d'Abissinia e de Iemèn ; aquelas fuèlhas ; l'arbrilh meteis. [Per Noste : qat]

QUADR- QÜADR- QÜADRA- : formas prefixadas del latin quadri- (prefix latin de quatuor, quatre)

qüadrà (abs. Dicort) (m. e f.) : abreviacion de qüadragenari, -ària.

qüadragenari [ ~ quadragenari], -ària adj e n, cf Ubaud Dicort : persona de quaranta ans.

qüadragesima [ ~ quadragesima] nf, cf Ubaud Dicort  : nom ancian de la quaresma ; dimenge primièr de la quaresma.

qüadragesimal [ ~ quadragesimal], -a adj, cf Ubaud Dicort  : relatiu, -iva a la quaresma.

Lo june qüadragesimal.

quadrament nm, cf Ubaud Dicort : « action de cadrer, d’encadrer » TdF ‘cadramen’

quadranat, -ada adj, cf Ubaud Dicort : « toqué, ée, presque fou, olle, v. baug, desquadranat » (v. TdF ‘cadrana’)

quadrandàs nm : v. quadrantàs.

quadrandejar v : v. quadrantejar.

qüadrangle [ ~ quadrangle] nm, cf Ubaud Dicort  : poligòn de quatre angles.

qüadrangular [ ~ quadrangular], -a adj, cf Ubaud Dicort  : de quatre angles ; que sa basa a quatre angles.

Piramida qüadrangulara.

qüadrangularament (abs. Dicort) : d'un biais qüadrangular.

qüadrangulat, -ada (abs. Dicort) : de quatre angles. (v. qüadrangular)

quadrant : quart de la circomferéncia ; caduna de las quatre partidas de l'embrion ; plan que pòrta las divisions d'una grandor (temps, pression, rapiditat, diferéncia de potencial...), amb una agulha que ne marca la valor.

Quadrant de pendula.

Quadrant de mòstra.

Quadrant solar.

Quadrant de visualizacion.

quadrantàs ~ quadrandàs nm, cf Ubaud Dicort : « personne dégingandée, mal accoutrée, effrontée » TdF jos ‘cadrantas’

quadrantectomia : ablacion d'un quadrant del sen en cas de tumor limitada al sen.

quadrantejar ~ quadrandejar v, cf Ubaud Dicort : « v intr, rôder, vaguer par désoeuvrement » TdF jos ‘cadranteja’

quadrar (v. tr. e intr.) , cf Ubaud Dicort : far un quadratge ; s'endevenir amb.

Quadrar una fotografia.

Aquò quadra pas.

quadratge nm (abs. Dicort) : accion de quadrar (t. a.), « cadrage » (Per Noste). (v. quadrament)

qüadratic [ ~ quadratic], -a adj, cf Ubaud Dicort  : relatiu, -iva al carrat ; carrat, -ada o de forma mai o mens carrada.

quadratin nm, cf Ubaud Dicort : « t. d’imprimerie, cadratin » TdF ‘cadratin’

qüadratura [ ~ quadratura] nf, cf Ubaud Dicort  : construccion geometrica d'un carrat (t. tecn.) ; posicion do dos astres al regard de la tèrra.

Qüadratura del cercle : problèma insoluble.

quadre nm, cf Ubaud Dicort : encastre (t. a.) ; bordadura rigida a l'entorn d'una fotografia, d'una aqüarèla, d'un miralh... ; assemblatge de pèças rigidas que fan l'armatura d'unes apleches ; fenestron de television ; persona qu'a de fonccions de direccion.

Dins lo quadre de la fèsta : dins l'encastre de la fèsta.

Aquel quadre s'endeven pas amb aquela pintura.

Quadre de bicicleta, de bornhon, de television.

quadreta : còla de quatre jogaires de bòlas.

QÜADRI- : forma prefixada del latin quadri (quatre)

qüadric [quadric], -a adj e nf (v. Ubaud Dicc. scient. p. 118) : (t. tecn. mat.) dich d'una superficia de segond òrdre (es a dire representada per una eqüacion del segond gra)

qüadricèps [ ~ quadricèps] nm, cf Ubaud Dicort  : muscle de la cuèissa de quatre faissèls.

Muscle qüadricèps crural.

qüadricicle ( ~ quadricicle) nm : cicle de quatre ròdas.

qüadricolòr ( ~ quadricolòr) : de quatre colors.

qüadricromia [ ~ quadricromia] nf, cf Ubaud Dicort  : impression en quatre colors : jaune, roge, blau e negre (o autras colors parentas d'aquelas)

qüadridimensional ( ~ quadridimensional), -a adj : de quatre dimensions ; relatiu, -iva a un sistèma de quatre dimensions.

qüadriennal [ ~ quadriennal], a adj, cf Ubaud Dicort  : que dura quatre ans ; que torna cada quatre ans.

Plan qüadriennal.

qüadrifid [ / qüadrifide  ~ quadrifid(e)], -da adj, cf Ubaud Dicort : de quatre divisions prigondas.

qüadrifoliat [ ~ quadrifoliat], -ada adj, cf Ubaud Dicort  : de quatre fuèlhas.

qüadrifonia [ ~ quadrifonia] nf, cf Ubaud Dicort  : sistèma d'enregistrament e de reproduccion de son per quatre canals independents. (v. tetrafonia)

qüadrifonic ( ~ quadrifonic), -a adj : relatiu, -iva a la qüadrifonia ; de la natura de la qüadrifonia.

Enregistrament qüadrifonic.

qüadrifulhat (abs. Dicort), -ada / qüadrifoliat, -ada adj : qu'a de fuèlhas dispausadas per gropes de quatre. (v. qüadrifoliat)

Plantas qüadrifoliadas.

qüadriga [quadriga, cf Ubaud Dicort ] (f.) : carri roman de doas ròdas encarrat a quatre cavals que tiravan de front.

qüadrigal (quadrigal), -a adj (R. V, 7) : relatiu, -iva a una qüadriga.

quadrigemèls adj m pl e nm pl, cf Ubaud Dicort : « (anat.) quadrijumeaux ; tubercules quadrijumeaux  »

qüadrigeminat, -ada (abs. Dicort) : relatiu, -iva a una estructura de quatre.

quädrilatèr [ ~ quadrilatèr] nm, cf Ubaud Dicort  : de quatre costats.

quädrilateral / quadrilateral, -a adj : « quadrilatéral, -e » (v. Rapin)

quadrilh (m.) / quadrilha (f.): dança per quatre cobles de dançaires.

quadrilhar (v. tr.) : dançar la quadrilha ; divisar quicòm en carrats atenents (t.a.)

Quadrilhar de papièr.

Quadrilhar una vila.

quadrilhat, -ada adj, cf Ubaud Dicort : « quadrillé, -e » (Laus)

quadrilhatge : disposicion en carrats atenents.

quadrilion  (abs. Dicort) : un bilion de bilions.

qüadrilòbe ( ~ quadrilòbe) nm : motiu ornamental de quatre lòbes (que revèrta una fuèlha de tréfol de quatre fuèlhas)

qüadrimestral ( ~ quadrimestral), -a adj : que dura quatre meses ; que torna cada quatre meses.

qüadrimestralament ( ~ quadrimestralament) adv : cada quatre meses.

qüadrimèstre ( ~ quadrimèstre) nm : durada de quatre meses (t. tecn. de comptabilitat)

qüadrimotor [ ~ quadrimotor, -tritz, cf Ubaud Dicort] (adj. e subs. m.) : de quatre motors.

Un qüadrimotor es un avion de quatre motors.

qüadrinòmi [quadrinòmi, cf Ubaud Dicort ] (m.) : soma o diferéncia de quatre tèrmes. (t. tecn. de mat.)

qüadriparesia ( ~ quadriparesia) nf : anequeliment dels quatre membres.

qüadriparticion ( ~ quadriparticion) nf : division en quatre partidas.

qüadripartit [ ~ quadripartit], -ida adj, cf Ubaud Dicort  : compausat, -ada de quatre partidas.

Encontre qüadripartit.

Comission qüadripartita.