- K -

K (ca, nf/nm, cf Ubaud Dicort) es pas una letra occitana. Aquela consonanta k es una oclusiva sorda que se tròba dins los noms scientifics o los d'origina estrangièira. Serà donc servada aicí pas que pels mots que se pòdon pas gaire representar autrament, mai que mai pels noms pròpris. Es aital qu'es utilizada en medecina o en quimia (K, per exemple, es lo simbòl de Kelvin e lo del potassium)

Cercatz a C o a Q çò que trobaretz pas a K.

k : abreviacions internacionalas per kilò (quilò [quilo] en occitan)

Ex. :

kc, quilocaloria.

kg, quilograma.

kJ, quilojoule.

km, quilomètre.

kW, quilowatt.

(v. Ubaud Dicc. scient. p. 242-243)

kaba (f.) (' kaba) : edifici cubic, al centre de la Mosquèa Màger de La Mèca (Arabia saodita), patria de Mahomet.

Los Mahometans se viran cap a la « kaba » per pregar.

Kabalevski : compositor sovietic emprenhat de musica populara russa (1904 -1987).

Kabil, -a (abs. Dicort) : persona sortida de Kabilia, montanhas d'Argeria. (v. Cabil)

kabil (abs. Dicort) : lenga berbèra parlada pels Kabils. (v. jos cabil)

Kabilia (abs. Dicort) : massises montanhoses d'Argeria que i se parla lo kabil. (v. Cabília)

Kabol : capitala d'Afganistan.

kabuki (m.) : genre teatral japonés tradicional.

Kafka Franz : escrivan tchèc (1883-1924).

kafkaian, -a : relatiu, iva a Kafka ; quicòm que son absurditat o son illogisme revèrta l'atmosfèra de las novèlas o dels romans de Kafka ; angoissós, -osa.

Estil kafkaian.

Ambient kafkaian.

Kairoan [Cairoan] : vila de Tunisia centrala.

kaiser [kàiser] nm (' kaizər) : ancian títol d'unes emperadors d'Austria o d'Alemanha.

kakemòno (< jap.) nm, cf Ubaud Dicort : « kakémono »

kaki nm e adj : v. caqui.

kala-azar (m.) (mot indó que vòl dire fèbre negra / mòrt negra) : ipertrofia de la mèlsa.

Kalachnicòv (Kalaʃnikɔf) : inventor sovietic de l'arma d'aquel nom.

kalachnicòv [kalachnikòv] nf, cf Ubaud Dicort [Laus, Basic : calachnicòf] : fusil d'assaut rus de 30 cartochas.

kaleidoscòpi : v. caleidoscòpi. (los 2, abs. Dicort) (v. calidoscòpi)

Kali : divessa de la Mòrt (Índia)

KALI- : forma prefixada de l'arab kali (potassa)

Totes los derivats çaijós de kali pòdon tanben èsser occitanizats amb un c inicial : calicina - calicita - caliciti - caliemia...  [Aqueles mots son totes absents dins Ubaud Dicort e Dicc. scient. jos k-, c- e qu-]

kalicina / kalicita (los 2, abs. Dicort) : bicarbonat natural de potassium.

kalicitia (abs. Dicort) : preséncia e taus del potassium (lat.) dins lo sang.

kaliemia (abs. Dicort) : taus del potassium contengut dins lo sang.

Kaliningrad : vila de Russia.

kalinita (abs. Dicort) : alum de potassium natural.

kaliofilita (abs. Dicort) : aluminosilicat natural de potassium.

kaliopenia (abs. Dicort) : diminucion del taus de potassium dins lo sang.

kalisme (abs. Dicort) : ensemble dels accidents toxics amodats pel potassium.

kallikreina : enzim present dins lo pancreàs, las glandolas salivalas e sudoriparas, lo plasmà sanguin e l'urina.

Kamà : dieu de l'amor (Índia)

kamala (mot sanscrit) : planta d'Extrèm Orient que sa frucha es utilizada per tintar e coma remèdi tenifug.

kamasutrà : libre sus l'art d'aimar que fa partida de la literatura religiosa indiana.

kamikase (jap.) nm e adj inv, cf Ubaud Dicort : conductor-suïcida d'un veïcul cargat d'explosius ; persona-suïcida cargada d'explosius.

Kampalà [Kampala] : capitala d'Ogandà (Africa)

Kandinsky Vassily : un dels mèstres de la pintura abstracha (1866-1944).

kangoró (abs. Dicort) (angl.) : mamifèr australian sautaire e erbivòr. (v. cangoró)

Kant Emmanuèl : filosòf alemand (1724-1804).

kantian, -a adj, cf Ubaud Dicort : « kantien, -enne » (Per Noste)

kantisme nm : sistèma filosofic de Kant.

kaolin [~ caolin] nm, cf Ubaud Dicort (mot chinés) : silicat d'alumini idratat ; argila refractària blanca, engrunabla, que dintra dins la composicion de la porcelana.

kaolin e sos derivats pòdon èsser occitanisats amb un c inicial.

kaolinic [ ~ caolinic], -a adj : de la natura del kaolin ; ric, -a en kaolin.

kaolinizacion [ ~ caolinizacion] nf : accion o resulta de kaonilizar.

kaolinizar [ ~ caolinizar] (v. tr.) : mudar en kaolin.

kaolinizar [ ~ caolinizar] (se) v pron : se mudar en kaolin.

kaon nm : (fisica) « kaon » (v. Ubaud Dicc. scient. p. 247)

kapòk ~ capòc nm, cf Ubaud Dicort : « kapok » (v. Per Noste)

kapokièr ~ capoquièr nm, cf Ubaud Dicort : v. capoquièr.

kapòsi (f.) : angiosarcomatòsi emorragica multipla ; lupus.

kappa nnf/nm : (letra grèga), cf Ubaud Dicort, Κ-κ, « kappa » (Rapin)

karaoke (< jap.) nm, cf Ubaud Dicort : « karaoké » [Laus, Basic : caraoqué]

karate nm (jap.) : espòrt de combat a mans nudas e pès descauces.

karatekà [karateca] n (m. e f.) : persona que fa de karate.

kariokinèsi (f.) : mitòsi.

karmà (sanscrit) : principi fondamental de las religions d'Índia.

Karpov Anatòli (I951) : Rus, campion del mond d'escacs en 1975, 1978 e 1981. Foguèt desquilhat per Kasparov.

karstic, -a (abs. Dicort) : relatiu, -iva a un karts ; calquièr, -ièira. (v. carstic)

Dolinas karsticas.

Relèu karstic.

karstificacion (carstificacion) nf : accion de las aigas d'infiltracion sus un massís calquièr, accion qu'amòda la formacion d'un relèu karstic.

kart nm, cf Ubaud Dicort : v. cart.

Karts (kwarsts) (m.) (abs. Dicort) : nom alemand d'una region de puèges calquièrs d'Eslovenia. (v. Carst)

karts (m.) (abs. Dicort) : airal de relèu karstic en general. (v. carst)

kaschèr [kashèr] adj inv, cf Ubaud Dicort (aquel mot pòt èsser occitanizat amb un c inicial [v. cashèr]) : mot ebrèu que vòl dire confòrme a la lei josieva.

Pan « kaschèr ».

Bocariá « kaschèr ».