autenc, -a / autièr, -ièira / autiu, -iva / auturós, -osa (v. auturós) adj : orgulhós, -osa.

autentic, -a (R. II, 24) : ni fals ni falsificat.

autenticacion : accion d'autenticar.

autenticadament (abs. Dicort) : d'un biais autentic. (v. autenticament)

autenticament adv, cf Ubaud Dicort : « authentiquement » (Rapin)

autenticar (v. tr. (R. II, 24)) : certificar autentic, -a, « authentiquer » (v. TdF).

autenticat, -ada : certificat, -ada autentic, -a.

autenticitat nf : qualitat de çò autentic.

autentificacion nf, cf Ubaud Dicort : « authentification » (Rapin)

autentificar v, cf Ubaud Dicort : « v tr, authentifier » (Per Noste, Basic). « autentificar » e derivats (fr) : v. autenticar.

autesa nf : nautor ; títol d'onor balhat a un prince o una princessa.

Son autesa lo Prince Untal.

autet, -a adj, cf Ubaud Dicort : « un peu haut, assez haut » TdF

autièr, -ièira adj : v. autenc.

autin nm (Alibert) : vinha enauçada sus un montet de pèiras, « vigne enlacée à un arbre ; treille élevée en berceau ; rangée de ceps autour de laquelle on sème du blé » (v. TdF).

autinada : tonèla ; trelha.

« autís » nm : desform. de « otís » (fr.) v. aplech – aisina e otís, cf Ubaud Dicort.

autisme 1 nm : replec patologic total sus se, acompanhat d'una pèrdia de contacte amb lo mond exterior.

autisme 2 (lo mai naut) adj m e nm, cf Ubaud Dicort : « le sommet, v. cima » (v. TdF)

L’autisme Dieu. (v. TdF)

Autisme (l'-) : Dieu ; lo Dieu tot-poderós. (v. çai sus)

autista (adj. e subs. m. e f.) : relatiu, -iva a l'autisme ; autistic, -a (persona que patís d'autisme o d'autosufiséncia)

autistic, -a : doblet d'autista.

Comportament autistic.

autiu, -iva adj : v. autenc.

AUTO- : forma prefixada del grèc autòs (se meteis)

autò [auto, cf Ubaud Dicort] (f.) : apocòpa d'automobila.

(Lo vintenat de tèrmes compausats amb aquela apocòpa son accentuats coma ela  [v. autobus,  autoescòla...])

auto trucaira ~ auto tustaira nf, v. Ubaud Dicort Errata web : v. autòs--trucairas.

autoabocaire, -a : proprietat d'un veïcul (carri, carreta, camion, remolc) dotat d'un mecanisme que lo pòt far abocar automaticament enrè.

autoabocar (s') : s'abocar enrè automaticament.

autoacoblador : dispositiu per acoblar automaticament de circuits e de generadors electrics.

autoacoblar (v. tr.) : acoblar automaticament. v. çaisús.

autoacoblar (s') : s'acoblar automaticament.

autoacusacion : acusacion de se meteis, normala o patologica.

autoacusador, -airitz (-dora) / autoacusaire : que relèva de l'autoacusacion. (v. acusador e acusaire)

autoacusar (s') : s'acusar normalament o patologicament.

autoaderir (v. intr.) : se pegar automaticament.

autoadesiu, -iva : autopegant, -a (que se pèga automaticament)

autoafirmacion : estructuracion de la persona a proporcion de sa maturitat.

L'autoafirmacion d'una persona.

autoafirmar (s') : estructurar sa personalitat.

S'autoafirmar se fa de contunh o per etapas.

autoaglomeracion : aglomeracion automatica.

autoaglutinacion : aglutinacion automatica, amodada in vitro (lat.) per una aglutinina.

autoaglutinina : autoanticòrs qu'aglutina in vitro (lat.) las pròprias cellulas sanguinas d'un individú.

autoagression : agression de se meteis ; situacion patologica amodada per un mecanisme auto-immunizant, o que s'acompanha d'un auto-immunizant.

autoalarma : alarma que s'amòda automaticament a tal o tal senhal.

autoalimentacion : alimentacion automatica.

autoalinhador, -airitz : natura dels mecanismes que s'alinhan automaticament.

autoalinhament : alinhament automatic.

autoalinhar (s') : s'alinhar automaticament.

autoallergia : allergia amodada per d'autoantigèns.

autoalucatge nm : (fisica) « auto-allumage » (v. Ubaud Dicc. scient. p. 190)

autoalumatge (abs. Dicort) : inflamacion espontanèa e accidentala del carburant dins un motor a explosion. (v. autoalucatge)

autoamorsaire, -a : amòrsa automatica.

autoamorsatge : que s'amòrsa automaticament.

autoamputacion : amputacion de se meteis.

Autoamputacion d'un guèine pres al tracanard.

autoanalgesia : anestesia patologica.

autoanalisi (f.) : analisi psicanalitica de se meteis.

autoancoratge : ancoratge automatic.

autoanticòrs : anticòrs anormal elaborat contra el meteis.

autoantiogèn : antigèn que se forma dins son pròpri teissut.

autoassegurança : assegurança per constitucion de resèrvas pròprias.

autoavaloracion nf, cf Ubaud Dicort : « (psychol.) autovalorisation [v. avaloracion] »

autoavalorar (s’) v pron, cf Ubaud Dicort : « s’autovaloriser [v. avalorar] »

autobiograf, -a : autor, -a d'una autobiografia.

autobiografia : biografia de sa pròpria vida.

autobiografic, - a : relatiu, -iva a una autobiografia.

autobivalent (adj.) : natura d'un cromosòma bivalent que ven de la duplicacion d'un univalent.

autoblocaire (m.) : sistèma de blocatge automatic utilizat en alpinisme e en espeleologia.

autòbus [autobus, cf Ubaud Dicort] nm : mejan de locomocion collectiu dins una vila.

autòcanilha (v. l'apocòpa autò [auto]) (autocanilha) nf : veïcul equipat de ròdas sul davant e de canilhas sul darrièr, « autochenille » (Rapin).

autòcanon (v. l'apocòpa autò [auto]) (autocanon) nm (arc.) : canon montat sus un encastre d'automobila, « autocanon » (Rapin).

« autocar » (fr.) : v. autòcarri (v. autocarri).

« auto-caravana » (angl. francizat) : v. autòrotlòta.

autòcarri [autocarri, v. Ubaud Dicort Errata web] (m.) : mejan de locomocion collectiu entre de vilas.

autòcarrista (autocarrista) (m. e f.) : menaire, -a d'autòcarris ; proprietari de tot un ensemble d'autòcarris. (v. l'apocòpa autò)

autocatalisi (f.) : reaccion quimica qu'amòda ela meteis un còrs que li servís de catalisaire.

autocatalitic, -a : relatiu, -iva a l'autocatalisi.

autocefal, -a : que relèva pas d'una ierarquia.

Glèisa autocefala.

autocefalia : natura de las glèisas e dels evesques metropolitans ortodòxes que son pas someses a la jusridiccion d'un patriarca.

autocelebracion : autoglorifiacion (accion de far publicament e pomposament son pròpri elògi)

autocensura : censura facha per q.q. a propaus de sos pròpris actes, sos pròpris escriches, sas pròprias paraulas...

autocensurar (s') : far son autocensura.

autocentrador, -airitz : proprietat d'un mecanisme que centra automaticament quicòm.

Un ordenador a una comanda autocentrairitz.

autocentrar (v. tr.) : centrar automaticament.

autocentrat, -ada : centrat, -ada automaticament ; autarquic, -a (basat, -ada sus l'autarquia)

autocentratge : centratge automatic

autocinèsi (f.) : movement que ven d'una causa intèrna.

autocinetic, -a : amodat, -ada automaticament.

autocinetisme : illusion de movement.

autoclau (adj. o subs. m.) : natura d'una tampa, d'una tampanèla, d'una tampadura jos pression ; glotona de pression / confidor de pression (recipient metallic de las parets espessas e de tampa ermetica per far còire o per esterilizar quicòm per la vapor jos pression)

autocollimacion : collimacion automatica.

autocombustion : combustiu espontanèa.

autocommutador nm : (fisica) « autocommutateur » (v. Ubaud Dicc. scient. p. 190)

autocommutat, -ada adj : (fisica) « autocommuté, ée » (v. Ubaud Dicc. scient. p. 190)

autocommutator (abs. Dicort) : commutator automatic.(v. autocommutador)

autocompassion : compassion per se meteis.

autocompatibilitat nf : capacitat d'autofecondacion.

autocompensacion : efècte retroactiu.